Subject | اعظم مهنة فى حياة الانسان |
From | احمد صلاح محمود |
Sent | Friday, April 16, 2010 12:55 AM |
اعظم مهنة فى حياة الانسان
كتير فى عز التعب
تاخدنى نوبة غضب
والاقينى بقول
ياريتنى ما طلعت دكتور
وعن جراح الناس مسئول
وارجع بسرعة ف نفس الثانية
اقول
استغفر الله ده كلام
ليه بس كده
معقول
صحيح
من حق كل الناس ترتاح وتنام
وتغرق غرق فى الاحلام
وانا لوحدى أسهر أداوى ف الام
بس رغم كده بينى وبينكم فرحان
وعمرى ماكنت ولا ح اكون زعلان
مع انى برضه تعبان وطول اليوم شقيان
بس تخيل .... ايوه تخيل
لما طفل يجيلك مجروح بيعيط
ويخرج من عندك يجرى ويتنطط
ومهما تقوله براحة كفاية
يلعب هو ما يسمعش كلام
ولا واحدة تفاجأها الولادة
وضناها اول ما يشوف الدنيا
يشوفها بين ايديك
تبقى فى منتهى السعادة
وتشوف الدنيا سكر زيادة
مع انك كنت مضايق وتعبان
بس نسيت ده كله قدام صنع الرحمن
وتحمد ربك وتسجد فرحان
سبحانه اختار لك اعظم مهنة
فى حياة الانسان
شعر / احمد صلاح محمود
الموضوع الأصلي : اعظم مهنة فى حياة الانسان -||- المصدر : منتديات بنات مصر -||- الكاتب : احمد صلاح محمود
No comments:
Post a Comment